„მანჩესტერ სიტისა“ და „ლივერპულის“ დაპირისპირებაში გიორგი მამარდაშვილმა ერლინგ ჰოლანდს თერთმეტმეტრიანი დარტყმა არ გაატანინა.

პრემიერლიგის მე-11 ტურის ცენტრალური მატჩის ერთ-ერთ ეპიზოდში, „ეტიჰადის“ სტადიონზე, „სიტის“ სუპერვარსკვლავ ერლინგ ჰოლანდს პენალტის შესრულების შანსი მიეცა.

თუმცა, „ლივერპულის“ ქართველმა მეკარემ ნორვეგიელის დარტყმის მიმართულება გამოიცნო, ბრწყინვალე ნახტომი შეასრულა და საკუთარი გუნდი გოლისგან იხსნა.