დუმილი დაირღვა! — ხვიჩამ ლიგა 1-ში სეზონის პირველი გოლი „ლიონს“ გაუტანა

საფრანგეთის ჩემპიონატის მე-12 ტურის ცენტრალური შეხვედრა „ლიონსა“ და „პარი სენ-ჟერმენს“ შორის გაიმართა.

ეს მატჩი „პსჟ-ს“ ქართველი ვარსკვლავისთვის, ხვიჩა კვარაცხელიასთვის, განსაკუთრებული გამოდგა. მან მიმდინარე სეზონში ლიგა 1-ში გოლების ანგარიში გახსნა!

„კვარამ“ „ლიონის“ კარის აღება შეხვედრის 33-ე წუთზე მოახერხა და თავის გუნდს უპირატესობა მოუტანა.