„ბორჯღალოსნებმა“ აშშ დაძაბულ, ქამბექ-მატჩში დაამარცხეს

საქართველოს მორაგბეთა ნაკრებმა ამხანაგურ მატჩში, ბათუმის „აჭარაბეთ არენაზე“, ამერიკის შეერთებული შტატების გუნდს უმასპინძლა და დრამატულ ბრძოლაში 43:30 სძლია.

მატჩის მიმოხილვა

შეხვედრა ქართველი მორაგბეების უპირატესობით დაიწყო, თუმცა „ბორჯღალოსნებმა“ დაცვაში რამდენიმე შეცდომა დაუშვეს, რითაც სტუმრებმა ისარგებლეს და ანგარიშით 7:21 დაწინაურდნენ.

მიუხედავად სოლიდური ჩამორჩენისა, საქართველოს ნაკრებმა შეძლო თამაშის შემობრუნება, უპირატესობა დაიბრუნა და პირველი ტაიმი მინიმალური სხვაობით, 26:24 მოიგო.

მეორე ტაიმის დასაწყისში „ბორჯღალოსნები“ კვლავ მდევრის როლში აღმოჩნდნენ, როდესაც აშშ-ის ნაკრები 26:27 დაწინაურდა. თუმცა, გუნდმა შეტევებს მოუხშირა, რამაც შედეგი გამოიღო და საბოლოოდ დამაჯერებელი გამარჯვება მოიპოვა.

მომავალი მატჩები

საქართველოს ნაკრები საშემოდგომო ტესტ-მატჩების ფარგლებში კიდევ ორ შეხვედრას ჩაატარებს:

• 15 ნოემბერი: საქართველო vs. კანადა (ბათუმი)

• 22 ნოემბერი: საქართველო vs. იაპონია (თბილისი)

მატჩის დეტალები

ბათუმი. „აჭარაბეთ არენა“ საქართველო - აშშ 43:30

საქართველოს შემადგენლობა:

• ხაზი: 15. დავით ნინიაშვილი (ლა როშელი), 14. აკაკი ტაბუცაძე (შავი ლომი), 13. გიორგი კვესელაძე (გრენობლი), 12. თორნიკე კახოიძე (შავი ლომი), 11. გიორგი შველიძე (ბრივი), 10. თედო აბჟანდაძე (ორიაკი), 9. ვასილ ლობჟანიძე (ოიონა);

• შერკინება: 1. დავით აბდუშელიშვილი (შავი ლომი), 2. ირაკლი ქვათაძე (შავი ლომი), 3. ბექა გიგაშვილი (ტულონი), 4. მიხეილ ბაბუნაშვილი (შავი ლომი), 5. ლადო ჩაჩანიძე (მონ დე მარსანი), 6. ლუკა ივანიშვილი (ბრისტოლი), 7. ბექა საღინაძე (ლიონი), 8. ბექა გორგაძე (პო, კაპ.);

• მარქაფა: 16. ვანო კარკაძე (ოიონა), 17. გიორგი თეთრაშვილი (პერპინიანი), 18. ლუკა ჯაფარიძე (მონპელიე), 19. დემურ ეფრემიძე (შავი ლომი), 20. ილია სპანდერაშვილი (ვალანსი); 21. გელა აფრასიძე (პერპინიანი), 22. ლუკა მატკავა (ოიონა), 23. დემე თაფლაძე (შავი ლომი).