ჩემპიონთა ლიგის ფინალი ხვიჩა კვარაცხელიასთვის მხოლოდ ტიტულის შანსი აღარ არის - ქართველს პსჟ-ს ისტორიაში განსაკუთრებული ნიშნულის დამხობაც შეუძლია.

მიმდინარე სეზონში კვარაცხელიას ჩემპიონთა ლიგაზე უკვე 3 გოლი აქვს. თუ ფინალში გაიტანს, ის პსჟ-ს ერთ სეზონში ყველაზე შედეგიანი ფეხბურთელების სიაში ზლატან იბრაჰიმოვიჩის მაჩვენებელს გაუთანაბრდება. შვედმა ვარსკვლავმა პარიზელთა მაისურით ერთ სეზონში ამ ტურნირზე 4 გოლი გაიტანა.

ამ მხრივ კლუბის რეკორდი ედინსონ კავანის ეკუთვნის - ურუგვაელმა ჩემპიონთა ლიგის ერთ სეზონში 8 გოლი მიითვალა. მეორე ადგილზეა კილიან მბაპე 6 გოლით, ხოლო 5-გოლიან ზღვარს ნეიმარი და ლიონელ მესი აღწევდნენ.

ფინალი დამატებით ინტრიგას იმითაც იღებს, რომ ერთმანეთს პსჟ და არსენალი დაუპირისპირდებიან. პარიზელებს ევროპის მთავარი საკლუბო ტიტული ჯერ არასდროს მოუგიათ, ლონდონელებისთვის კი ეს ასევე ისტორიული შანსია - არსენალი ჩემპიონთა ლიგის თასს პირველად უმიზნებს.

პსჟ-მ ფინალის გზაზე ლიგის ფაზაში შედარებით რთული პერიოდი გაიარა, მაგრამ პლეი ოფში ბევრად დამაჯერებელი სახე მიიღო. არსენალმა კი მთელი კამპანია სტაბილურობით და დაცვითი ორგანიზებით გამოარჩია.

ერთი გოლი და კვარაცხელია ზლატანის გვერდით დადგება. ორი კი ქართველს პსჟ-ს ჩემპიონთა ლიგის ისტორიაში კიდევ უფრო მაღლა აიყვანს.