"ბრაიტონი" და "ფულემი" საქმეში – იური ტაბატაძე პრემიერ ლიგის კლუბების სამიზნეა!
ესპანურ "კადისში" ბრწყინვალე სეზონის დაწყების შემდეგ, 25 წლის ქართველი შემტევი, იური ტაბატაძე, შესაძლოა, ინგლისის პრემიერ ლიგაში ვიხილოთ!
უახლესი ინფორმაციით, ქართველი ფეხბურთელით ერთდროულად პრემიერ ლიგის ორი კლუბი: "ბრაიტონი" და "ფულემი" დაინტერესდნენ.
ესპანური გამოცემა Fichajes-ი წერს, რომ "ფულემის" პორტუგალიელი მწვრთნელი, მარკო სილვა, განსაკუთრებით დაინტერესებულია და ქართველის დამატებას იანვრის სატრანსფერო ფანჯარაზევე განიხილავს. სილვას მიზანი გუნდში შემტევი პოტენციალისა და კონკურენციის გაზრდაა.
ინგლისური კლუბების ინტერესი გასაკვირი სულაც არ არის. ტაბატაძემ, როგორც ვიცით, "კადისში" სეზონი ფანტასტიკურად დაიწყო. მან რამდენიმე გადამწყვეტი გოლის გატანა შეძლო და ლა ლიგაში ერთ-ერთ გამორჩეულ მოთამაშედ იქცა.
ბრიტანულ პრესაში უკვე აქტიურად განიხილავენ მის ძლიერ მხარეებს:
"მას შეტევა ორივე ფლანგიდან შეუძლია, არის სწრაფი და აქვს ძლიერი დარტყმა. ისეთი ტიპის ფეხბურთელია, რომელიც ნებისმიერ მეტოქეს უქმნის საფრთხეს."
ვნახოთ, რა გაგრძელება ექნება ამ მოვლენებს და ვიხილავთ თუ არა მალე კიდევ ერთ ქართველს მსოფლიოს უძლიერეს ლიგაში.
